Европада 1848-1849 йй. инкилоблари
Европада 1848-1849 йй. инкилоблари.
1848-1849 йилларда деярли бутун Европа инкилобий аланга ичида колди Францияда ва Австрия империясида, Пруссияда ва герман давлатларининг кУпчилигида, таркок Италияда инкилоблар бУлиб Утди. Париж, Вена, Берлин, Рим кУплаб бошка пойтахтлар инкилобий вокеаларнинг марказларига айландилар.
Хеч качон илгари Европа бундай даражада сиёсий курашнинг кескинлашишини, халк чикишларининг кенг кулоч ёйишини, кУплаб мамлакатларда миллий-озодлик харакатининг кУтарилишини кУрмаган эди. Умуман олганда турли мамлакатлардаги вокеаларнинг умумийлиги-инкилобнинг умумевропа микёсда бУлиб Утганлиги эди.
Бу даврга келиб, кУплаб Европа давлатларида феодал ва яримфеодал муносабатлари, катор мамлакатларда эса абсолютик тартиблар сакланиб колинган эди. Австрия ва Усмонийлар империяларида миллий масалалар жуда кескин тус олган эди. Германия ва Италия ягона бирлашган давлатлар тузиш эхтиёжини сезар эдилар. Демократик Узгаришларни амалга ошириш имконини инкилоб бериши мумкин деган гоялар ва интилишлар кенг таркалган эди. Бундан ташкари XIX аср Урталарида катор мамлакатларда содир бУлаётган саноат тУнтарилиши феодал тартиботининг колдигларини агдариб ташлаш заруриятини кун тартибига кУйди.
1845-1847 йиллардаги кишлок хУжалигида бУлиб Утган офат ва 1847 йилдаги иктисодий инкироз инкилоб бошланишини тезлаштирди. 1848 йилда халк норозилигининг портлаши бУлди.
Франция
Июль монархияси асосан банкирлар, темир йУллар, кУмир ва темир конлари, Урмонлар эгалари манфаатларига мос тузум эди. Мамлакатнинг 1%-дан камрок ахолиси сайлов хукукларига эга эди. Мухолифатнинг турли тоифалари сайлов хукукларини кенгайтирилишини демократик эркинликлар берилишини талаб киладилар. Республика Урнатилиши тУгрисидаги талаблар хам жадал илгари суриларди.
1847 йил иктисодий инкирози мамлакатдаги ижтимоий ва сиёсий вазиятни кескинлаштирди. Мамлакатда инкилобий вазият юзага келди. Мухолиф доиралар 1848 йил бошида бир катор йигинлар ва мажлислар Утказиб, сайлов цензининг камайтирилишини талаб килдилар. Бундай йигилишларда халк оммаси хам катнаша бошлади. Бунга жавобан хукумат йигинларни маън килиш сиёсатини олиб борди. Махфий тарзда фаолият олиб борган яширин инкилобий жамиятлар халкни кУзголонга чакирдилар. Пойтахтда барракидалар тик кУтардилар. кирол вазирларни истеъфога жУнатиши вазиятни куткармади. Инкилоб бошланиб бУлган эди.
кУшинларнинг намойишчиларга Ук отиши халк газабини келтирди ва куролли кУзголоннинг авж олиб кетишига сабаб бУлди. 1848 й. 24 февралда куролланган халк курол-аслаха омборларини ва шахарнинг мухим нукталарини эгаллади. Луи Филипп Англияга кочишга мажбур бУлди. Тюильри саройи кУзголончилар томонидан эгалланди. Июль монархияси агдарилди.
Депутатлар палатасининг хокимиятни кирол оиласи аъзоларидан бирига топшириш учун харакатлари куролли кУзголончилар босими остида амалга ошмади. Палата Муваккат хукуматни тасдиклашга мажбур бУлди. Хукуматда асосий Уринларни «мУътадил» республикачилар эгалладилар. Хукуматга Лион кУзголони иштирокчиси Альбер ва социалист Луи Блан хам киритилдилар. Лекин уларнинг таъсири жуда заиф эди.
Муваккат хукумат республика масаласини хал этишни чУзганда халк оммаси ратушани кУршаб олди ва Францияни республика деб эълон килишга уни мажбур этди.
Февраль кУзголонида катта роль Уйнаган ишчилар мехнат хукукини, барча мухтожларни иш билан таъминлаш конунини талаб килдилар. Муваккат хукумат бу тУгрисида декретни кабул килди ва иш кунини 10-11 соатгача кискартирди. Хукумат ишчилар масалалари билан шугуланувчи махсус комиссия тузди. Комиссияга Луи Блан бошчилик килди. Луи Блан Уз фаолиятини иш хаки масаласидаги ишчилар ва иш берувчилар келишмовчиликлар ва тортишувларга бархам беришга каратди.
Комиссия иши суст олиб борилди ва курук гап сотишга айланиб колди.
Парижда тУпланиб колган ишсизлар оммасини тинчлантириш максадида Муваккат хукумат улар учун жамоат ишларини ташкил этди ва бу ишларга «Миллий устахоналар» деб ном берди. Жуда паст иш хаки учун ишлаётган 100 минг киши харбий-казарма тартиботига учрадилар. Шу пайтнинг Узида хукумат томонидан тадбиркорларга катта имтиёзлар берди. Давлат заёмлари бУйича фоизлар муддатдан олдин тУлаб берилди. Лекин, дехконлардан олинадиган солик 45%-га ошди ва бу холат «Миллий устахоналарга» кетадиган харажатларни коплаш учун кУлланган чора деб бахона килинди.
1848 й. май ойида сайловлар натижасида тузилган Таъсис Мажлис Муваккат хукуматни вазирлар билан алмаштирди. Ишчилар фаоллигини бостириш максадида Парижда 24 минг аскарлик «мобиль (тезкор) гвардия» тузилди ва пойтахтга кУшинлар келтирилди.
22 июнда хукумат «Миллий устахоналарни» бекитиш тУгрисидаги декретни эълон килди. Луи Блан комиссияси таркатиб юборилди. «Устахоналарда» ишлаган ва 25 ёшдан ошган бУйдок ишчилар армияга чакирилдилар.
Табиийки бу сиёсат ишчиларни газабини келтирди ва Парижда кУзголон бошланди. Унда 100 мингдан ортик ишчилар катнашди.
Ишчилар бУлималарининг «бригадирлари» рахбарлиги остида 600 баррикада кУтарилди. Ягона рахбарликка эга бУлмаган ва стихияли ривожланган кУзголонни бостиришга хукумат 80 минг аскарлик доимий армияни, 2 минг «мобилларни», Миллий гвардия бУлиммаларини-жаъми 150 минг кишилик кУшинни жалб этди.
26 июнга келиб кУшинлар кУзголончиларнинг Сен-Антуан районидаги сУнги каршилик нуктасини бостирдилар. Париж кУчалари конга тУлиб кетди: 11 минг кУзголончи жойида отиб ташланди, 25 минг киши камокка олинди, 3,5 минг киши мустамлакаларга сургунга мажбурий ишларга жУнатилди.
кУзголонни бостириш билан бир пайтда янги конституция хам ишлаб чикилди. Унда президент хокимияти кучайтирилган эди. Президент конунчилик Мажлисининг розилигисиз хам вазирларни тайинлаш ва бУтатиш хукукига эга бУлди. «Мехнат хукуки» тУгрисида хеч нима этилмаганди. Республикачилар Уз таъсирини йУкотгани сабабли 1848 йил декабрида президент этиб монархия тарафдори, Наполеон I нинг жияни, шахзода Луи Наполеон Бонапарт сайланди.
Луи Наполеон императорликни даъво килар экан, Париж гарнизонининг барча мухим лавозимларига Узининг тарафдорларини тайинлади. 1851 йилнинг 2 декабрида унга мухолиф бУлган арбоблар камокка олинди, кУшинлар эса барча хукумат биноларини эгаллашди. Парижда баррикадаларга чиккан 10 минг республикачилар кУшинлар томонидан бостирилди. Шундай килиб 1851 й. 2 декабрда мамлакатда бонапартчи тУнтариш юз берди. Раппа-роса бир йилдан сУнг (1852 й. 1 декабрда) Францияда монархия тикланди. Луи Наполеон Бонапарт Наполеон III номи билан император деб эълон килинди. Иккинчи Империя даври бошланди. 1848 йил инкилоби Францияда республика тизимини Урната олмади ва маглубиятга учради.
Германия
Уша даврдаги Германиянинг ижтимоий-иктисодий ривожланишига феодал тартибнинг колдиклари сакланиб колганлиги тУсик бУлди. Сиёсий таркоклик, ички божлар, цех хунармадчилиги, дехконларнинг ер эгаларидан карамлиги ва бошка холатлар мамлакатда туб Узгаришлар заруриятини келтириб чикардилар.
Инкилоб арафасида турли сиёсий карашлар мавжуд эди. МУътадил ислохотлар талабидан туб инкилобий Узгаришларгача бУлган гоялар. Худди Франциядагига Ухшаб Германияда хам 1847 йил иктисодий инкирози халкка мухтожлик ва офатлар олиб келди.
1847 йил бахорида Берлинни очлик галаёнлари босиб кетди. Шахзода Вильгельм саройининг деразалари синдирилди, нон ва сабзавот дУконлари талон-торож килинди. Монархия хукумати молиявий банкротлик (синиш) арафасида эди. Сиёсий вазият кескинлашди.
Биринчи инкилобий чикишлар Германиянинг жанубий-гарбида бошланди. Тез орада бундай харакатлар Пруссия худудларига таркалди. Кёльнда ишчилар ва хунармандлар ратушани Ураб олдилар ва ислохотларни талаб килдилар. Берлинда эса оломон Ун кун давомида намойишлар уюштирдилар, полиция билан тУкнашувлар бУлиб Утди. кирол саройига харакатланган оломонга гвардиячилар Ук уздилар. Бундан газабланган халк 1848 йил 18 мартда бутун Берлинни баррикадаларга тУлдириб юборди. кУзголончиларга карши ташланган пиёдалар ва артиллерия галабага эриша олмади. кирол Фридрих Вильгельм IV кУшинларни Берлиндан олиб чикиб кетилиши тУгрисидаги буйругидан сУнгина кУзголон тУхтатилди. Конституцияни ишлаб чикувчи Пруссия Миллий Мажлисига сайловлар эълон килинди. Ишчилар ва хунармандларнинг Берлин атрофларидаги фаоллиги, мехнат вазирлигини тузиш, барчани иш билан таъминлаш ва умумий сайлов хукукини берилиши талаблари буржуа доираларининг манфаатларига мос эмасди. Шунинг учун бу доиралар пойтахтга хукумат кУшинларини кайтаришни сУрадилар. кирол буни тезда бажарди. Маъмурий ташкилотлар, суд, полиция ва армия хеч кандай Узгаришсиз саклаб колинди. Янги сайланган Пруссия Миллий Мажлиси хам туб ислохотларни амалга оширмади.
Пруссиянинг шаркий ерларида, ахолиси асосан поляклардан иборат, миллий-озодлик харакати бошланди. 1848 йил бахорида Познань провинциясида (вилоятида) полякларнинг миллий-озодлик кУзголони Пруссия кУшинлари томонидан шафкатсиз бостирилди.
1848 йилнинг май ойида Франкфурт-Майн шахрида умумгерман парламенти очилди. Бутун герман давлатларидан кенг жамоатчилик сайловлар натижасида сайланган бу парламент Австрияни хам Уз таркибига олган ягона Германия конституциясини ишлаб чикиши керак эди. Лекин, парламент турли сиёсий масалалар бУйича узок ва самарасиз тортишувлар билан овора бУлиб колди. Мамлакатни бирлаштириш масаласида Герман иттифоки чегараларида, барча герман давлатларини камраб олган, Германия империясини тузиш назарда тутилар эди. Немис хукмдорлари бу парламентни тан олмасада хам, унинг йигилишига инкилоб шароитларида тУскинлик килишмади.
1848 йил декабрида Пруссия кироли Миллий Мажлисни таркатиб юборишни бУюрди. Депутатлар халкни каршилик кУрсатишга чакира олмадилар ва буйругга итоат этишди.
Лекин, кирол «юкоридан» конституция «хадя» килиниши тУгрисидаги фармонни эълон килди. Конституцияга кУра дворянликнинг табакавий имтиёзлари сакланиб колинди, кирол конунчилик муассасаларнинг хар кандай карорини бекор килиш хукукига эга эди. Сайлов тизими бой солик тУловчиларнинг тУла устунлигини таъминлади. Пруссиядаги инкилоб бостирилди. Саксония кироллиги ва Баден герцоглигидаги 1849 йил май ойида Франкфуртда ишлаб чикилган конституция лойихасидаги демократик моддаларининг химояси учун кУтарилган кУзголонлар Пруссия куролли кучларининг киритилиши билан бартараф этилди. Германиядаги 1848-1849 йй. инкилоби маглуб бУлди.
Италия
Итальян давлатлари ва Италиядаги Австрияга тегишли ерларда бУлиб Утган инкилобий вокеаларга Германиядагига Ухшаш сабаблар мавжуд эди. Италиянинг хусусияти шундан иборат эдики-мамлакатнинг салмокли кисми Австрияга тегишли эди. Ломбардия ва Венеция вилоятлари Австрия империяси таркибида бУлиб, улардан катта микдорда соликлар унидирилар эди. Парма, Модена ва Тосканада Габсбурглар хонадонидан бУлган герцоглар хукмронлик килар эдилар. Рим вилоятида папа хокимияти сакланиб колинди ва миллий бирлашиш жараёнида асосий тУсиклардан бири бУлиб колди. Бошланиб келаётган инкилобда асосий масалалар сифатида миллий мустакилликка эришиш ва мамлакатнинг сиёсий бирлашиши бУлди.
1848 йилнинг дастлабки ойларида инкилоб Неаполитан кироллигини камраб олди ва шимолга ёйилди. Бир катор давлатларда халк тазйики остида либерал вазирликлар тузилди ва конституциялар кабул килинди.
Март ойида Австрияга тегишли итальян ерларида кУзголон бошланди. кУзголон Австрия хокимияти зулмидан кутилиш учун кУтарилди. Милан шахрида халк баррикадани кУра бошлади. Беш кунлик кУча жангларидан сУнг австриялик кУшинлар шахардан хайдаб чикарилди. Хокимиятни мУътадил ва либерал сиёсий доиралар кУлга олдилар. Милан хукуматининг асосий максади конституцияси мавжуд кУшни Сардиния кироллигига кУшилиш бУлди Сардиния кироли халк тазйики остида Узининг Пьемонт кУшинларини австрияликларга карши юборди, лекин харбий харакатларни жадал олиб бормади. Шу сабабли унинг армияси ва Милан кУзголони австрияликлардан маглуб бУлишди. 1848 йил мартида Венецияда хам озодлик кУзголони кУтарилди ва республика эълон килинди. Венеция кУзголони хам Австрия армияси томонидан бостирилди. Пьемонт армияси маглуб бУлгандан сУнг итальян давлатларида аксилинкилоб хужУмга Утди. Неапольда кирол конституцияни бекор килди, инкилобчиларнинг катллари бУлиб Утди.
Лекин халк ва демократик доиралар инкилобий харакатларни давом этишга чакирдилар. 1849 йил бошида Римда халк кУзголони кУтарилди. Рим папаси шахардан кочишга мажбур бУлди. Римда республика эълон килинди.
Папа ёрдам сУраб Франция республикаси президенти Луи Наполеонга мурожат этди. Рим республикасига карши йирик француз армияси юборилди.
Рим мудофаасига инкилобчи-демократ Джузеппе Гарибальди рахбарлик килди. Итальян республикачиларининг мардонавор каршилигини француз артиллериясининг шахарни Укка тутиши бостирди. Француз кУшини ёрдамида Римда папа хокимияти тикланди, шахарда француз гарнизони колдирилди. Гарибальди бир гурух инкилобчилар билан Адриатина денгизи оркали Италияни тарк этди. Шундай килиб Италияда 1848-1849 йй. якунланмаган инкилоб маглубиятга учради. Лекин шунга карамасдан Сардиния кироллигида конституция сакланиб колинди.
Австрия империяси
КУп миллатли Австрия империясида 34 млн.киши истикомат киларди. Бутун империя бУйлаб феодал тартиблар сакланиб колинган эди. Саноат ривожланиши бУйича Чехия империянинг энг илгор кисми эди. Габсбурглар давлатида хукмрон доиралар сифатида Австрия дворянлари намоён бУлган эдилар. Улар барча олий харбий ва маъмурий лавозимларни эгаллаган эдилар. Абсолютизм зулми, мансабдорлар ва полициянинг Узбошимчалиги, католик черковининг кучайиши давлатнинг турли кисмларида миллий эзиш билан богланиб кетганди.
Чехияда зодагонлар ва йирик савдо-саноат ва молиявий доираларнинг катламлари австрияликлар эди ёки немислашганди. Венгр помехиклари серб ва бошка славян дехконларни эзишарди, лекин шу пайтнинг Узида венгрлар Узлари австриялик хокимиятга карам эдилар. Итальян провинциялари хам австриялик мансабдорлар томонидан камситилардилар. Шундай килиб, феодал тартиблар, абсолютизм, помехиклар ва мансабдорларнинг Узбошимчаликлари, миллий зулм халк оммасининг инкилобга Утишига туртки бУлди. Габсбурглар монархиясининг агдарилиши ва миллий зулм остидаги халкларнинг мустакилликка эришиши Австрия инкилобининг асосий масалалари бУлиб колди.
Шу даврда Чехияда, Венгрияда ва славян халкларида Узини Узи идора килиш ва миллий маданиятни ривожлантириш учун кучли харакатлар авж.олди.
1847 йил иктисодий инкирози ва озик-овкат махсулотларнинг кимматчилиги мамлакатдаги ижтимоий вазиятни кескинлаштирди. Францияда Июль монархиясининг агдарилиши тУгрисидаги хабарлар Австрияда инкилоб бошланишига туртки бУлди.
13 мартда Венада инкилоб бошланди. Шахар кУчаларида кУзголон кУтарган ишчилар, хунармандлар, талабалар кУшинлар билан тУкнашдилар. Халк император саройига хам кира олди. кУркувга тушган хукумат ён босишга мажбур бУлди. Хукумат рахбари Миттерних истеъфога чикарилди. Талабаларнинг куролланган «академик легионини» ва Миллий гвардияни тузишга рухсат берилди. Император юкори мулкий цензли ва ишчиларга берилмаган сайлов хукуки мужассам бУлган конституцияни ваъда килди. Миллий гвардия ва «академик легионни» таркатиб юборишга уринишлари куролланган каршиликка учради. Император ва хукумат Тирольга кочди. Инкилобий харакатлар дехконларни хам камраб олдилар.
1848 й. 15 мартда Венгрия пойтахти Пешт шахрида демократик кучлар кУзголон кУтардилар. Император Венгрияда алохида хукумат тузилишига рози бУлди. Хокимият тепасига дворянлик зодагонлардан бУлган мУътадил либераллар келишди.
Чехия хам ишчилар ва дехконлар галаёнларига тУлиб кетди. Хукумат Прагага йирик армияни ташлади. Талабалар ва ишчилар кУшинларни олиб чикиб кетилишини талаб килдилар. 12 июнда талабалар ва ишчиларнинг куролсиз намойиши армия томонидан Укка тутилди. Бунга жавобан халк бир хафта давом этган кУзголонга кУтарилди. Факат 17 июнда кУшинлар кУзголонни бостирдилар.
Прага кУзголони бостирилгани ва Парижда Июнь кУзголони отиб ташлангани тУгрисидаги хабарлардан сУнг аксилинкилоб барча ерларда хужумга Утди. Австрияликлар Миланни эгаллашди. СУнгра император Венгрияда, кейинчалик Венанинг Узида инкилобни тугатишга карор килди.
Венгрияга карши Австрия кУшинларини жУнатишга каратилган уринишлар пойтахт Вена шахри ахолисининг куролланган кУзголони туфайли амалга ошмади. Венадаги октябр кУзголони Австрия империясидаги 1848-1849 йиллардаги инкилобнинг энг юксак чУккиси бУлди.
кУзголончилар «харакатчан гвардия» отрядларини тузиб, 6 октябрдан-1 ноябргача Венани Уз кУлида ушлаб турдилар. Шахар хукумат кУшинлари томонидан куршаб олинди ва шафкатсиз бомбардимон килинди. кУзголончиларнинг 5 мингдан ортикроги халок бУлди. КУплари жангдан сУнг отиб ташланди. кУзголон кийинчилик билан бостирилди.
Император кУшинларни Венгрияга карши ташлади ва унинг Узини Узи идора килиш тизимини бекор килди. Бунда Венгрия парламенти 1849 йилда мамлакатнинг мустакиллигини эълон килди ва Лайош Кошут бошчилигида инкилобий хукуматни тузди. Венгрларнинг кучли армияси австриялик кУшинларни хайдаб чикарди. Лекин вазият мустахкам эмасди. Хукумат феодал мажбуриятларни йУк килишга ботина - олмади. Бундан ташкари, серблар, хорватлар каби халкларга озодлик берилмагани Венгриянинг ахволини заифлаштирди.
Маглуб бУлган Австрия императори Франц I рус подшохи Николай I дан ёрдам сУрайди. Инкилобни ёмон кУрган Николай I юз минглик армияни венгрларга карши ташлади. Венгрия инкилобчиларнинг Англия ва Франциядан ёрдам олишга уринишлари йУкка чикди. Бир катор жангларда маглуб бУлган венгр армияси рус кУшинларга таслим бУлди. Австрия империясида 1848-1849 йиллардаги инкилоб маглубиятга учради. Лекин шу билан бирга, хукумат хам айрим ислохотларни Утказишга мажбур бУлди. Жумладан, чекланган конституция киритилди, сайловчилар учун юкори мулкий цензга эга икки палатали тизим Урнатилди. Феодал мажбуриятлардан тУлов эвазига озод этиш тУгрисидаги конун кабул килинди, помехикларнинг суд ва полиция хокимиятлари бекор килинди.
|
| Категория: tarix | Добавил: admin (28.01.2011)
|
| Просмотров: 1655
| Рейтинг: 0.0/0 |
Добавлять комментарии могут только зарегистрированные пользователи. [ Регистрация | Вход ]  --> |
