ЕВРОПА ДАВЛАТЛАРИ XIX АСРНИНГ БИРИНЧИ ЯРМИДА
ЕВРОПА ДАВЛАТЛАРИ
XIX АСРНИНГ БИРИНЧИ ЯРМИДА.
Наполеоннинг Ватерлоодаги маглубияти Францияда Бурбонларнинг иккинчи тикланишига олиб келди. Тахтга Людовик XVIII кайтарилди.
Бурбонларнинг тикланиши мамлакатда сиёсий реакция билан олиб борилди. Бурбонлар билан мамлакатга кайтиб келган минглаб дворян - эмигрантлар инкилоб давридаги сиёсий арбобларни жазолашни ва Узларининг феодал хукук ва имтиёзларини тиклашни талаб килардилар. Мамлакатда «ок террор» кенг таркалди. Маъмурий идоралар ва армияда тозалашлар Утказилди. 70 минг киши камокка олинди.
Аммо шунга карамасдан Утмишга кайтишнинг иложи йУк эди. Тикланиш Узгача муносабатлар Урнатилиши даврида юз берди.
«1814 йил Хартияси» деб ном олган конституция Францияда конституцион-монархик тартиботни Урнатди. Конституция фукаролар тенглигини, шахс дахлсизлигини, матбуот эркинлигини, виждон эркинлигини (шу билан бирга католик дини давлат дини ролини Уйнарди) эълон килди. Ижроя хокимият тУлалигича кирол кУлида эди. Бундан ташкари, конунчилик ташаббуси хам киролга тегишли эди.
кирол хокимияти икки палатали (юкори пэрлар палатаси ва куйи депутатлар палатаси) конунчилик корпуси томонидан чекланган эди. Давлатда хукмрон мавкеларни йирик ер эгалари эгалладилар.
Тикланиш тартиботи инкилоб ва Биринчи империя даврида амалга оширилган ер мулки Узгаришларини, Наполеон кодексларини, бошкарув тизимини, дворянлик унвонларни саклаб колди. Эммигрант-дворянларга эса инкилоб мусодара килган, лекин 1815 йилгача сотилмаган ерлар кайтариб берилди.
Иктисодий сохада Тикланиш тартиботи француз саноатига зарур бУлган протекционизм сиёсатини олиб борди. Лекин бу сиёсатдан кУпрок манфаат ва фойдани савдо-саноатнинг кенг доирлари эмас, балки йирик ер эгалари олар эдилар. Хукумат савдо-сотикнинг ташки бозорларини кенгайтиришга кам гамхУрлик киларди.
20-йиллардан бошлаб давлат сиёсатига рухонийлар ва дворянларнинг реакцион кисмининг таъсири кучайди. 1820 йилда тахт вориси Герцог Беррийскийнинг Улдирилиши бу доирларнинг конституцияга хужум килишга бахона бУлди. Мамлакатда цензура тикланди, маориф католик черкови назорати остига берилди. Лекин бу харакатлар эски тартибларни кайтирилишига олиб келмасди.
XIX асрнинг биринчи Ун йилликларида Францияда саноат тУнтарилишининг ривожланиши жадаллаша борди. Фабрика ишлаб чикариши Усди. Айникса тУкимачилик саноатининг ютуклари кУзга ташланарди. Францияда бУг машиналарнинг сони кУп бУлмаса хам, лекин Усиб борди (1820 й.-65 машина бУлса, 1830 й.-620та). Умуман, саноатда хали хам мануфактуралар ва кичик устахоналар кУпчиликни ташкил этарди. Иктисодиётда эса кишлок хУжалиги устиворлик килар эди. Миллий даромаднинг деярли 60% кишлок хУжалигига тУгри келарди.
Ишлаб чикаришнинг Усиши халк турмушининг Усишига олиб келмади. XIX асрнинг бошларида Францияда социалистлар-утопистлар Анри де Сен-Симон ва Шарль Фурьеларнинг (1772-1837) гояллари шаклланди.
Тикланиш тартиботининг сиёсати француз жамиятининг турли катламларида катта норозиликка олиб келди. Парламент фракциялари атрофида тУпланган сиёсий окимлар шаклланди.
Либерал мухолифатнинг энг мУътадил канотини фалсафа профессори ва адвокат Ройе-Коллар бошчилигидаги конституционалистлар-роялистлар («доктринерлар») ташкил этарди.
Янада радикалрок карашларга француз либерализмининг таникли назариячиси Бенжамен Констан бошчилигидаги сУл либераллар эга эди. Мамлакатдаги гоявий-сиёсий курашда тарих фанининг роли мухим эди. Айникса, XIX аср 20-чи йилларида шаклланган либерал тарихчилар мактабининг намоёндалари О.Тьерри, Ф.Гизо, Ф. Минье, А. Тьер-ларнинг гоялари ва асарлари француз жамиятида катта обрУга эга эди.
20-йилларда Тикланиш тартиботига карши куролланган чикишлар уринишлари хам бУлган. 1821 йили Францияда карбонарийлар махфий жамияти вужудга келди. Жамиятнинг асосий максади Бурбонлар сулоласини инкилобий тУнтарилиш натижасида агдариш эди. Жамиятга турли ижтимоий-сиёсий катламлар намоёндалари кирар эдилар. Карбонарийларнинг кУпчилиги республика тарафдорлари бУлса хам, айрим кисми Бурбонларни Орлеанлар сулоласи билан алмаштириш тарафдори эди. 1822 йили карбонарийлар Франциянинг айрим шахарлар ва харбий калъаларида кУзголонлар кУтаришга харакат килиб кУрдилар. Лекин, фитналар фош этилди, чикишлар бостирилди, карбонарийларнинг кУпчилиги камокка олинди ва катл этилди.
1824 йили Людовик XVIII вафот этди. Тахтга унинг укаси, граф д’Артуа Карл X исми билан Утирди. Эмигрантлар кироли номини олган Карл Х (1824-1830) очикдан-очик дворянлар манфаатлари йУлида сиёсат олиб борди.
Эмигрант-дворянларга йУкотилган ерлар эвазига пул компенсациялари тУланди, дин ва черковга карши харакатлар учун каттик жазолар киритилди, Миллий гвардия таркатиб юборилди ва хукумат бошлиги этиб киролнинг шахсий дУсти, «ок террор»нинг рухлантирувчилардан бири Полиняьк тайинланди. Полиньяк хукуматини истеъфога чикишини талаб килган депутатлар палатасининг йигилишини кирол тУхтатди.
Жамоат норозилиги 1826 йил иктисодий инкирози билан кучайди. Айникса дехконларнинг галаёнлари жиддий тус олди. Республикачи харакат хам Усиб борди.
Бундай вазиятда Карл Х давлат тУнтарилиши Утказишга карор килди. 1830 йил 25 июлда кирол «1814 йил Хартисига» карши чикувчи ордонансларга (фармонларга) имзо чекди. Депутатлар палатаси таркатилди, сайлов хукуки факат йирик ер эгаларига берилди, матбуот эркинлиги йУк килинди. Тикланиш режими абсолютик тузумни тиклашга интилди.
26 июль 1830 йилда ордонанслар матбуотда эълон килинди. Бунга карши Париж ахолиси куролли кУзголон билан жавоб берди. кУзголон кУтарган халк олдида кирол кУшинлари кучсиз эди. Хукумат кУшинларининг бир кисми халк томонига Утди. 29 июлда Тюильри кирол саройи кУзголончилар кУлига Утди. Инкилоб голиб чикди. Карл Х Англияга кочди.
Бурбонларни агдаришга кучи етган демократик доирларнинг республика Урнатишга кучи етмади.
Хокимият либерал депутатлар томонидан тузилган Муваккат хукумат кУлига Утди. Хукуматни банкир Лаффит ва генерал Лафайет бошкарди. Луи Филипп Орлеанский 7 августда Франция кироли деб эълон килинди.
«1830 йил Хартияси» деб ном олган янги конституцияда кирол конунларни бекор килиш ёки тУхтатиш хукукига эга эмасди, конунчилик ташаббуси хам киролга тегмади. Лекин ижроя хокимият унинг кУлида эди. Пэрлар палатаси хам сайланадиган бУлди. Матбуот эркинлиги, йигинлар эркинлиги эълон килинди. Ёшга ва мулкка оид цензлар пасайтирилди.
Луи Филипп даврида банкирлар, биржа ва темир йУл «кироллари», кУмир конлари эгалари, темир конлари эгалари, металлургия заводлари эгалари каби доираларнинг мавкеи баланд эди. Айникса молиячиларнинг таъсири кучли эди. Молия задагонлари давлат аппаратида юкори лавозимларни эгаллашарди, давлат субсидиялари, имтиёзлари ва кредитларидан фойдаланишарди. Бу холат эса бюджет камомати ва давлат карзларининг Усишга олиб келди.
Июль инкилобидан сУнг француз ташки сиёсатининг йУналишлари Узгарди.
Мукаддас Иттифок таъсир доирасидан чикиб кетган Франциянинг Пруссия, Австрия ва Россия билан муносабатлари ёмонлашди. Англия билан якинлашиш сиёсати узокка чУзилмади. 40-йилларда мустамлакачилик сиёсати бУйича зиддиятлар яна кескинлашди.
30-40-йилларда Франция (Англиядан сУнг) Европанинг иктисодий энг ривожланган мамлакати эди. Асосан аграр мамлакат бУлишига карамасдан Францияда саноат ривожланиши Уз натижаларини берарди. Шу даврджа тезлашган саноат тУнтарилиши натижасида тУкимачилик, машинасозлик, металлургия каби саноатнинг асосий тармокларида фабрика ишлаб чикариш усули устиворлик килар эди. Янги саноат тармоклари, биринчи галда кимё саноати, ривож топди. БУгда ишлайдиган машиналарининг кУлланиши транспортда инкилоб ясади.
Лекин барибир, саноат ривожланиши бУйича Франция Англиядан оркада эди. Франция темир кУрилиши кУлами ва суъратлар бУйича хам Англия ва Пруссиядан оркада эди. Майда хунармандчилик ишлаб чикариш ва мануфактура Узининг катта ахамиятини саклаб колган эди. Бундай холатнинг асосий сабабларидан бири кредит муассасаларнинг кам ривожланганлиги, Июль монархиясининг «банкирлар подшолигига» айланганлиги.
Июль монархиясининг ички ва ташки сиёсати мамлакатда турли мухолиф сиёсий окимларнинг кенг таркалишига олиб келди. Бундай сиёсий кучлар каторига легитимистлар, бонапартчилар, республикачилар, «сулолавий мухолифат» тарафдорлари кирардилар. Француз ишчилари орасида социалистик ва коммунистик гоялари таркала бошлади. Ишчилар норозилигининг кучайишини 1831 ва 1834 йилларда бУлиб Утган Лион ишчиларининг кУзголонлари мисолида кУриш мумкин.
Француз маданиятининг бу даврдаги ривожланишида хам сезиларли Узгаришлар бУлиб Утди. 1833 йилда Утказилган халк маорифи ислохотлари натижасида бошлангич мактабларнинг ягона тизими яратилди, саводлик Усди.
Адабиёт, рассомчилик, мусикада романтизм йУналиши ривож топди. Романтизм йУналишида йирик ёзувчилар Ф.Р.де Шатобриан, Жермена де Сталь. Бенжамен Констан ва айникса Виктор Гюго (1802-1805) ижод килдилар.
XIX асрнинг 30-40 йиллари тараккий романтизм янги йУналиш-танкидий реализмга замин яратди. Танкидий реализм намоёндаларидан Стендаль (1783-1842), О.де Бальзак (1799-1850), П.Мириме-ларни айтиш мумкин.
Рассомчиликда 30-60-йилларда романтизм йУналиши ривож топишига Т.Руссо, Ш.Ф.Добиньи, К.Коро, Э.Делакруа катта хизмат килдилар.
Мусика санъатида Г.Берлиоз, А.Адан каби композиторлар ва дирижерлар ижодлари Француз маданиятини бойитди.
XIX асрнинг Урталарига келиб Англияда саноат тУнтарилиши якунланди. Техник ихтиролар ва турли машиналар инглиз саноатининг барча тармокларида кУлланарди. ТУкимачилик ва ип-газлама саноати илгор саноатлардан эди. Лекин, 30-40-йилларда огир саноати ва айникса унинг юраги бУлмиш машинасозлик жадал ривожланарди. Англия бошка давлатларга турли машиналарни экспорт кила бошлади.
Мамлакатда темир йУллар курилиши хам ривожланди. Паровоз 1814 йили Дж.Стивенсон томонидан ихтиро килинди. Дунёдаги биринчи темир йУли Стоктон-Дарлингтон йУналиши бУйича 1825 йилда куриб битказилди. 1849 йилга келиб мамлакатдаги темир йУллар узунлиги 9,5 минг км.ташкил этди.
Америкалик Р.Фултон томонидан пароход (бУг кемалари) ихтиро килиниши (1807 й.) каналлардан транспорт йУллари сифатида кенг фойдаланишга имконият яратди.
кишлок хУжалигида хам янги жихозлар, куроллар ва агротехникадан фойдаланилди.
Ишлаб чикаришдаги ютуклар ташки экспортнинг Усишига олиб келди. ТУкимачилик моллари билан биргаликда огир саноат махсулотининг экспорти Усди. Иктисодий Усиш фан ривожланиши билан чамбарчас боглик эди.
Аср Урталарига келиб Англия ахолиси 21 млн.кишини ташкил этарди. Ахолининг 43% саноат ахолиси ташкил киларди.
Саноат доираларнинг кучайиб боришига карамасдан давлат хокимиятида ер эгаликларга эга бУлган зодагонлар (аристократия) хукмронлик килар эдилар. Бу икки кучнинг манфаатлари тУкнашиб келарди.
Тори хокимият тепасида 1830-йилгача колди. Роберт Ливерпул (1812-1827) хукумати Питтнинг полициячи сиёсатини давом эттирарди. Ташки сиёсатда Роберт Каслри Мукаддас Иттифок йУлидан борарди.
1815 йил аграр инкирози, кейинчалик 1816 ва 1819 йиллардаги иктисодий инкирозлар инглиз жамиятини ларзага келтирди. Халк норозилиги кучайди. Бу вазиятда демократик харакатлар янги куч билан фаолият олиб бордилар. СУл радикал демократларга Генри Хант, Уильям Коббетлар бошчилик килса, Унг мУътадил радикалларнинг рахбарлари Ф.Берлетт, Дж.Картрайт-лар эди.
Халк харакати айникса 1819 йили юксакларга чикди. Кураш маркази аста-секинлик билан Лондондан Манчестерга кУчарди. Хукуматга карши харакатга вигилар хам кУшилдилар.
Хукумат томонидан Утказилган репрессиялар, иктисодий инкирознинг сУниб бориши норозилик харакатларнинг пасайишига олиб келди.
Савдо-саноат ва молия доираларнинг сиёсий кудратининг Усиши, виги партиясининг жадал фаолияти, колаверса тори партияси ичида «либерал» аъзоларнинг пайдо бУлиши (Дж.Каннинг, Пиль, Пальмерстон) мамлакатдаги сиёсий вазиятни Узгартирди. Ислохотлар Утказиш талаблари катъийлик билан кУйилар эди.
1825, 1827 йиллардаги иктисодий инкирозлар ва 1832 йилгача давом этган депрессия ахолининг турмуш даражасини жуда пасайтирди. Бу халк норозилигининг яна кУтарилишига олиб келди. Ишчилар стачкалар Утказишган бУлса, кишлокларда «суинг» харакати таркалди.
Савдо-саноат доиралари фритред (эркин савдо) шиори остида протекционизм ва «нон конунларига» карши чикар эдилар.
1830 йили Георг IV (1820-1830) Улими сабабли Утказилган фавкулодда сайловларда вигилар голиб чикишди. Чарлз Грей хукумати сайлов тизими ислохоти конун лойихасини ишлаб чикди. Бу лойиха 15 ойлик сиёсий курашдан сУнг парламентдан Утди. 1832 йили сайлов ислохоти кУлга киритилди.
Ислохотларнинг мохияти «чУнтак», «чириган» сайлов округларнинг кУпчилигини йУкотиш эди. БУшаб колган парламентдаги 143 жой саноат шахарларга, зиж ахолисига эга кишлок худудларга, Шотландия ва Ирландияга берилди. Сайлов тизимида мулкий ценз сакланса хам сайловчиларнинг сони икки баробар ортди. 1832 йил ислохоти парламент тизимининг ижтимоий базасини кенгайтирди.
Ислох этилган парламент 1834 йили камбагаллар фойдасига тУланадиган соликни бекор килди. Бундан ташкари, иш кунини кискартириш тУгрисидаги конунни рад этди. Бундай харакатлар ишчиларнинг норозилигини кучайтирди. 1824 йили конун йУли билан рухсат этилган тред-юнионларнинг сони ортиб борди ва улар мамлакат микёсида бирлашишга уриндилар. 1834 йили Роберт Оуэн (1771-1858) кУмагида ишлаб чикаришларнинг Буюк иттифоки тузилди.
Хукуматнинг ишчилар манфаатларига карши олиб борган сиёсати ишчиларни иктисодий кураш доиралардан чикишга мажбур этди.
1836 йили Уильям Ловетт ва Генри Гетерингтон бошчилигида ишчиларнинг Лондон ассоциацияси тузилди. Ишчилар янги сайлов ислохоти учун курашишга карор килдилар. 1838 йили Ассоциация Уз дастурини-«Халк хартия» сини эълон килди (charter-хартия). Бу дастурга асосий олтита талаб киритилди: умумий сайлов хукуки (21 ёшдан ошган эркаклар учун), сайлов округларнинг тенглиги, ёпик овоз бериш, парламентнинг хар йили кайта сайланиши, депутатликка номзодлар учун мулкий цензни бекор килиш, депутатларга маош тУлаш. 30-йилларнинг охири - 50- йилларда кенг таркалган ишчиларнинг чартизм харакати ижтимоий таркиби жихатдан бир хил эмасди. Чартизм харакатида етакчилик килганлардан Фергюс О.Коннор, Джеймс О.Брайен, Джулиан Гарниларни тилга олса бУлади. Чартистлар харакати Узининг ривожланиши даврида бир неча бор юксалишларни бошидан кечирди. 1839, 1842, 1847 йиллари чартизмнинг энг кУтарилган даврлари бУлди.
Хукуматнинг чартистларга карши олиб борган репрессиялари натижасида чартистлар маглубиятга учрадилар.
30-40-йилларда Англияда виги ва тори хукуматлари алмашиб хукмронлик килар эдилар. 1830 йили вигилар голиб чиккан бУлса 1834-1835 ва 1841-1846 йилларда торилар хукуматни бошкардилар. 1832 йил парламент ислохотларидан сУнг тори партиясини консерватив партия деб ата бошлашди. Консерватив партия етакчиси Роберт Пиль партия ичида сУл мУътадил канотни бошкарар эди. Бу канот савдо-саноат доираларга иктисодий ёнбериш тарафдори эди. 1832 йили Пиль кабинети тариф ислохоти Утказиб, бир катор махсулотларнинг импорт тУловларини камайтирди. 1846 йили эса «нон конунлари» бекор килингандан сУнг Пиль ва унинг тарафдорлари протекционист-торилар томонидан жиддий мухолифатга учраб, партиядан чикиб кетдилар.
Уларнинг кетиши вигилар мавкеини кучайтирди. Вигилар Уша пайтда либерал партия деб тез-тез номлана бошланди. Вигилар етакчиси-Джон Рассел, 1846 йили хокимият тепасига келиб, Пильнинг фритредчиликга ёнбосиш сиёсатини давом эттирди. 1849 йили навигацион актларнинг бекор килиниши протекционизм устидан козонилган яна бир галаба эди.
Ташки сиёсатини Англиянинг вигилар хукуматларидаги ташки ишлар вазири Генри Пальмерстон (1830-1854 йй. танафуслар билан) бошкарарди. Англия Европада 1848-1849 йй. Инкилобларини бостирилишини кУллаб кувватлади. «Кучлар тенглиги» ва «эркин кУллар» тамойилларга таянган холда Англия ташки сиёсатда харбий куч, жумладан кудратли флотни ишлатишга тайёр эди. Йирик давлатлардан Англиянинг Франция ва Россия билан муносабатлари кескин эди.
Инглиз хукуматнинг мустамлакачилик сиёсати турли китъаларда доимий экспансия билан ифодаланарди.
Англиянинг XIX асрнинг биринчи ярмидаги гоявий-маданий ривожланишида иктисодий гояларнинг Урни Ута мухим эди. Шу жумладан, Адам Смит гояларнинг давомчиси Давид Рикардонинг (1772-1823) сиёсий иктисод бУйича олиб борган ишларини таъкидлаш мумкин.
Маданият тараккиётида бу давр инглиз адабиётининг гуллаган давридир.
Джордж Байрон (1788-1824), Перси Шелли (1729-1822), Вальтер Скотт (1771-1832), Чарльз Диккенс (1812-1870) Узининг энг машхур асрларини яратдилар.
XIX асрнинг биринчи ярмида Габсбурглар империяси абсолютик тизими ва феодал муносабатларини саклаб колган давлат эди. Мамлакатнинг иктисодиётида аграр соха устунлик килар эди. Чехия ва Моравияда йирик помехик ер эгаликлари устунлик киларди ва хУжалик экстенсив йУли билан ривожланарди. Далмация, Галиция ва Буковинада дехконлар хУжаликларининг майдаланиши ва унумдорликнинг кискариши кУзга ташланарди.
Ишлаб чикаришни модернизациялаш ва интенсификациялаш австрия-немис провинцияларда олдинрок пайдо бУла бошлади. Дехконлар хУжалигининг устуворлиги, помехик ер эгаликларнинг заифлиги, дехконларнинг шахсий карамлигининг бекор килинганлиги империянинг бошка худудларига нисбатан бу ерларда капиталистик муносабатлар учун кулай шароитлар яратди.
XIX аср бошларида саноат тУнтарилиши учун мамлакатда иктисодий, ижтимоий ва техникавий заминлар йУк эди. Саноатга ва транспортга буг двигателларини киритиш 30-40-йиллардан бошланди.
Жахон савдо-иктисодий муносабатларга куйи Австрия ва Чехия ерлари кУшилдилар. Саноат фаолиятининг Урта асрлик шакллари, ушбу жойларда тезрок бузила бошлади.
Саноат тУнтарилишининг биринчи боскичи икки хусусият билан ажралиб турар эди. Биринчидан, бу жараён турли провинцияларда бир хил бормас эди.
Иккинчидан, тУкимачилик саноати устиворлик килар эди ва саноат махсулотининг ярмиси шу тармокка тегишли эди.
Биринчи темир йУли 1828 йилда курилди. Темир йУллар биринчи галда Венадан Чехияга курилар эди. Дастлабки локомотивлар Англиядан сотиб олинган бУлса, 40- йилларда махаллий саноат паравоз ва вагонларни ишлаб чикаришни йУлга кУйди.
Венгрия иктисодиёти Австрия, Чехия ва Шимолий италия ерларига нисбатан кУлайсизрок шароитларда ривожланди. Феодал ва табакавий муносабатларнинг кучлилиги, дворянликнинг иктисодий кудрати ва сиёсий таъсири мамлакат колоклигининг асосий сабаблари эди.
Бундан ташкари, Вена венгер иктисодиётига нисбатан дискриминацион бож-тариф сиёсатини олиб борар эди. Венгриянинг ташки савдо алокалари чекланарди. Бундай сиёсатни олиб боришдан максад Венгрияни Австриянинг аграр-хомашё базасига айлантириш ва Австрия саноат махсулотларининг бозорига айлантириш эди.
Шунга карамасдан, 30-40-йилларда Венгрияда хам иктисодий Усиш кУзга ташланди. Мамлакатда бУг машиналари билан жихозланган йирик корхоналар пайдо бУлди. 1846 йилдан бошлаб дастлабки темир йУллари курила бошланди.
Венгрия иктисодиётининг асосий тармоги -кишлок хУжалигида хам тарракиёт юз берди. Агротехника ва дехкончилик куролларининг яхшиланиши хосилдорликнинг Усишига олиб келди. Помехик ва дехконлар хУжалигининг унимдорлиги Усди.
Савдо-иктисодий муносабатларнинг жонланиши ва ички бозорнинг кенгайиши натижасида 40-чи йилларда биринчи кредит ташкилотлар: жамгарма кассалар ва банклар пайдо бУлди. Лекин бу ташкилотлар иктисодиётнинг Усиб бораётган талабини кондира ололмасди.
Вена конгрессидан сУнг Австрия империясининг халкаро мавкеи жуда мустахкам эди. Буюк давлат макомини Узига кайтарган бу мамлакат 1859 йилгача хеч кандай ташки урушлар олиб бормади. Австрия Европанинг бошка монархиялар билан иттифокда хар кандай озодлик харакатига карши чикарди. Австрия герман давлатларида ва Италияда сиёсий таркоклик, феодал-абсолютик тартибларнинг сакланиши тарафдори эди.
Ички сиёсатда мамлакатда каттик цензура киритилган эди. Хар кандай либерал демократик гоялар таъкиб остига олинарди. Конституция киритилиши тУгрисида хатто гап юритиб бУлмасди.
1830-1831 йиллардаги Франциядаги инкилоб, Бельгиядаги инкилоб ва поляк кУзголони мамлакатда норозилик кайфиятларини кучайтирди. Ижтимоий ва сиёсий Узгаришлар зарурлиги яккол намоён бУлди. Бундан ташкари империяда миллий масала хам жуда кескинлашди. Айникса Венгрия кироллиги ва Трансильванияда галаёнлар кучайди.
40-йилларда Вена хорват, чех, серб ва кисман словак миллий харакатларга айрим эркинликлар беришга мажбур бУлди. Жумладан либерал-миллий рУзномаларнинг чоп этилиши рухсат этилди. Маданий- маърифий фаолиятга айрим кУмак берилди.
Немис миллий масаласининг хал этилмаганлиги ва Австриянинг Герман иттифокига кирганлиги австриялик немислари миллий онгининг шаклланишига тУскинлик килар эди. Лекин шунга карамасдан, 30-йиллардан бошлаб либерал доираларда австриялик немисларнинг бошка немислар билан тилдан бошка умумийлик йУклиги тУгрисида фикрлар билдирилди.
Бундан ташкари, немисларнинг ахволи шундай хусусиятга эга эдики-улар империянинг этник таркибида камчиликни ташкил этардилар. Жумладан империя ахолиси таркиби куйидагича эди: немислар-7917 минг киши, мадъярлар-5419 минг, итальянлар-5042 минг, руминлар-2640 минг, чехлар-4053 минг, словаклар-1722 минг, поляклар 2183 минг, украинлар-2622 минг, хорватлар ва серблар-2619 минг, словенлар-1081 минг киши.
Мамлакатда 15 млн. славянларнинг истикомат килиши Габсбургларда панславинизм олдидаги тошвишини кучайтирарди. Лекин барибир, асосий хавфни Вена саройи Венгрия озодлик характидан кутарди.
Вена конгресси герман давлатларининг таркоклигини саклаб колди. голиб мамлакатлар томонидан ташкил этилган Герман Иттифокига 37 монархия ва 4 эркин шахар -Гамбург, Бремен, Любек ва Франкфурт-Майн кирди. Англия, Россия ва Франция манфаатларига ягона Германиянинг пайдо бУлиши кирмасди.
Австрия ва Пруссия Герман Иттифокига Мукаддас Рим империяси таркибида бУлган худудлари билан кирдилар.
Пруссия территорияси икки алохида жойлашган кисмлардан иборат эди. Шаркий кисм олтита эски прус провинциялардан иборат эди. гарбий кисм Рейн ва Вестфалия провинцияларидан ташкил топган эди. гарбий провинциялар шаркийларга нисбатан иктисодий жихатдан анчагина ривожланганрок эдилар. гарбда капиталистик муносабатлар ривожланаётган бУлса, шаркда юнкерлик ва йирик помехик ер эгаликлари хукмронлик киларди.
гарбий ва Шаркий кисмлар Уртасидаги тафовут тартибсиз бож тизими билан янада кучайтирилган эди. Шаркий кисмнинг Узида 67 турли бож тарифлари мавжуд эди.
1818 йили рейнликлар киролга бутун Германия бУйлаб ягона бож иттифоки тузиш тУгрисида илтимоснома киритишди. Пруссиянинг кучайишидан кУрккан Австрия бунга каршилик килди. Натижада ягона бож тарифи факат Пруссия худудида киритилди.
Герман давлатларининг кУпчилигида абсолютик тартиблар хукмронлик килар эди. Факатгина Бавария, Баден, Вюртемберг ва Гессен-Дармштадта дехконларнинг шахсий карамлиги бекор килинганлиги яна бир бор тасдикланди ва мУътадил конституциялар киритилди.
XIX асрнинг биринчи ярмида Германия аграр мамлакат эди. 35 млн. ахолининг тУртадан уч кисми кишлокларда истикомат киларди. Дехконларнинг шахсий карамлиги бУлмаса хам, улар турли тУловлар, мажбуриятлар ва карзлар билан боглаб кУйилган эди.
Пруссияда дехконларни талаш юнкерларга Уз хУжалигини ёлланма ишчи кучидан фойдаланган хУжаликни юритиш имконини яратди. Йирик ер эгаликларида техник янгиланиш ва агротехникани яхшилаш бУлиб Утарди.
Германиянинг гарбида, айникса Рейнда, дехконларнинг табакаланиши жараёнлари бУлиб Утарди.
Немис саноати XIX асрнинг биринчи Ун йилликларида асосан мануфактуралар ва хунармандчилик устахоналардан иборат эди. Фабрикаларга Утиш айрим сохаларда Саксония, Рейн-Вестфалия ва Силезиялда кУзга ташланишни бошлади.
Германиянинг таркоклиги ягона ички бозор шаклланишига тУскинлик киларди. Хорижий молларнинг (айникса инглиз молларининг) мамлакатга окиб келиши немис саноат молларининг сотилишини пасайтирар эди. Умумий протекционистик бож тизими зарур эди.
XIX асрнинг 30-йилларида Пруссия ташаббуси билан Бож иттифоки тузилди.
Бу иттифокка 20 герман давлати кирди. Давлат таркоклиги сакланган холда мамлакатнинг хУжалик бирлиги шакллана бошлади. Пруссиянинг сиёсий мавкеи кучайди. Норози Австрия Бож иттифокини сепарат савдо шартномалар тузиш оркали бузишга интилар эди. Арзон инглиз молларини харид киладиган прус юнкерлари хам Бож иттифокига карши эди.
XIX асрнинг 30-йилларнинг бошларидан Германияда саноат тУнтарилиши кенг таркала бошлади. Бунга эркин ишчи кучининг пайдо бУлиши, йирик молияларнинг жамгарилиши, шахар ахолисининг Усиши, техник тараккиёт ва транспортнинг риожланиши каби омиллар катта таъсир кУрсатди. Бундан ташкари, огир саноатнинг ривожланиши мамлакат иктисодиётида катта ахамиятга эга эди.
Ички савдонинг ривожланиши билан бир пайтда ташки савдо кУплаб тУскинларга учрарди. Савдо флотининг заифлиги ва таркок мамлакатнинг Уз манфаатларини жахон бозорларида химоя кила олмаслиги шундай тУскинлардан бири эди.
XIX асрнинг биринчи ярмида Германияда мухолиф харакатлар кучайди. Бу харакатларда ахолининг турли катламлари фаол катнашдилар. Феодал реакциянинг кучайишига нисбатан немис талабалари айникса жадал карши чикардилар. Талабалар харакатининг марказлари Йен ва Гиссен шахарлари эди.
XIX асрнинг 30-йилларида турли герман давлатларида оммавий галаёнлар бУлиб Утди. Натижада, Саксония ва Ганноверда конституцион тартиблар киритилди. Брауншвейг ва Гиссен-Касселда реакцион монархлар тахтдан воз кечишди, ва бу ерларда хам конституциялар киритилди. Бавария, Баден ва Вюртембергда матбуот эркинлигига эришилди.
Мамлакатда сиёсий карашлардан либерализм ва республикачи-демократик гоялар таркала бошланди. Бундан ташкари, немис ишчиларининг норозилик харакатлари кучайиб борди.
40-йилларнинг Урталарида Германиядаги вазият кескинлашди. Мухолиф харакатлар айникса Пруссияда кучайди. 1845 йили деярли барча процинвиал ландтаглар конституция киритилишига хохиш билдирдилар. Либералларга бу даврда рейнлик банкир Л.Кампгаузен ва ахенлик фабрикант Д.Ганземан бошчилик килар эдилар.
Радикал-демократик доиралар очикдан-очик инкилобий харакатларга ва ягона демократик республика тузишга чакирар эдилар.
1847 йилда иктисодий инкироз мамлакатдаги вазиятни янада ёмонлаштирди. Халк норозиликлари тУхтамас, давлат хазинаси эса бУш эди. Мамлакатда инкилоб юз бериши мукаррар эди.
XIX биринчи ярмида Герман давлатларида маданиятнинг ривожланиши катта ахамиятга эга эди. Сиёсий эркинликлар йУк пайтда айникса фалсафа ва адабиёт ижтимоий ахамиятга эга бУлди. Фридрих Шеллинг (1775-1854), Георг Вильгельм Фридрих Гегель (1770-1831), Людовиг Фейрбах (1804-1872), Генрих Гейне (1797-1856) фаолиятлари ва ижодлари Уша даврнинг ёркин намуналаридир.
Герман жамоатчилигида мусиканинг таъсири хам жуда кучли эди. Роберт Шуман (1810-1856), Людвик ван Бетховен (1770-1827) жахон мусикий маданиятига улкан хисса кУшишди.
|
| Категория: tarix | Добавил: admin (28.01.2011)
|
| Просмотров: 2087
| Рейтинг: 5.0/1 |
Добавлять комментарии могут только зарегистрированные пользователи. [ Регистрация | Вход ]  --> |
